MTB HermannsKogel (A) del 27/04/2008
El temp ancoi l'è spettacolare ma.... endo nar? Ghe sarìa bem la famosa maratona de Vienna da vardar, ma tra che no me piass far el spettator, tra che no g'ho zerto la gamba per competer devo per forza enventarme qualcos. E allor, giust che me som informà l'idea de far en po' de dislivell, ma me va sempre: la zima pù alta del Länder de Vienna l'è l'Hermannskogel (542m... 559 se se salta enzima alla tor de vedetta)... gh'è da nar! Provo a zercar sul stradario della zità se gh'è demò segnà qualcoss e trovo propri a bordo pagina, al confim col Länder della NiederÖsttereich (la region pù granda d'Austria.... sol perchè i n'ha frammentà el Tirolo!) la via giusta per narghe al vers! Quindi, lavà zo le robe della sera e tirà for la bici per le 9 e 3/4 som zà lì che me envio sulla ciclabile del Gürtel (cintura: o meio... tangenziale) en direziom della staziom Cecco Beppe (no dai, la se ciama Franz Joseph... ma tutti sti legami co la nosa storia trentina i me piass propri!). En realtà arrivà al Whäringer Gürtel trovo le indicaziom de ciclabile per la Höhestraße (a 7Km... e che la dovria portarme propri sotto la zima) che me sbara for a sinistra, e quindi taco a ciapar quota fra parchi e casotte sparse... e zimiteri! Gh'è na fila de dossi e ormai som for dalla zità, ma de indicaziom della zima che zerco, manco l'ombra! Finalmente arrivo sulla HöheStraße e me metto a seguirla col cor en paze... da qualche parte troverò bem n'inidicaziom! Enveze sta strada, peraltro scomodissima vist che l'è fatta de veci bolognini, la se enfila su per el bosc e la seta a ciapar quota per penso 5Km. Finalmente la spiana.... e gh'è anca en rifugio con na tabella che indica endo che som: ma dell'Hermannskogel no gh'è traccia! Diaolopo'! Provo così' a encrosar i nomi delle vie sul tabellom con quei sul me stradario e me ritrovo.... adess g'ho da perder quota fim al paess sotto e quindi, propri dopo l'incocio dovria tacar la salita per la zima. Arrivà all'incrocio, finalmente trovo la tabella che zerchevo... ma no l'è na strada che va su! L'è na forestale! Saralo giust? Domando en par de informaziom e me metto el cor en paze: som giust, gh'è altro che da pedalar su per ste pontere! Arrivà a n'altro rifugio con en bel prà (eh, eh, dopo qi, na pausa la sarà doverosa!) me enfilo su per el bosc e per senter sempre pù ert.... ancor 10 minuti e... Berg Heil! Berg...mmm... parola grossa.... ma qi altro no i g'ha! Sulla zima za che ghe som, gh'è anca la vedetta alta vinti metri da salir, e così ligada la bici col marloss, me fiondo sul punto pù alt del Länder. Bom, l'è mezdì e 10 e allor, na bona birraccia me la som propri meritada! Torno quindi de volta al rifugio col praom zo sotto per na bona radler, e quindi, enveze, tornà sulla strada, enveze che tornar al passo, continuo oltre per perder quota e arrivo con en par de stradele, prima a Girzel, po' HeiligenStadt, e quindi en centro. Riciapà el Gürtel, en ten quart d'ora (l'è prest le 2) som zà lì che sero la bici en caneva e salto en casa a magnar en boccom.
| Se lasa la zita´ alle spalle passando per parchi e giardini.... ma le colline entorno le par tutte alte uguali!!! Endo gaveronte da nar?? | |
|
Eccola finalmente l´Höhestraße! Diaolokan... tuta de bolognini!!! | E dopo tant nar.. finalmente la trovo!!! La mappa del tesoro!!! | |
|
Ma narghe al vers tra sterrato e senteri en MTB l´e´ comunque na bella triboloada! | Ecco la torre di controllo!!! | |
|
Berg Heil Kepo! Dai che qualcoss te sei riusi´ a tirar a um anca ancoi... adess te poi nar a beverte na bona radler... | ...en zo... | |
|
...al parco endo che taca el senter! | E dopo na bona pausa.... molarla en zo vers ca´! | |
